მამუკა ბახტაძე - მნიშვნელოვანია, საზოგადოებას ჰქონდეს მაღალი ნდობა ფინანსთა სამინისტროს საგამოძიებო სამსახურის საქმიანობის მიმართ

მნიშვნელოვანია, საზოგადოებას ჰქონდეს მაღალი ნდობა ფინანსთა სამინისტროს საგამოძიებო სამსახურის საქმიანობის მიმართ, - ამის შესახებ ფინანსთა მინისტრმა მამუკა ბახტაძემ განაცხადა.

როგორც „ინტერპრესნიუსს“ ფინანსთა სამინისტროდან აცნობეს, ფინანსთა მინისტრმა მამუკა ბახტაძემ ფინანსთა სამინისტროს საგამოძიებო სამსახურის თანამშრომლებთან შეხვედრისას 2017 წელს გაწეული საქმიანობა შეაჯამა და 2018 წელს დაგეგმილი მნიშვნელოვანი სიახლეების შესახებ ისაუბრა.

ფინანსთა მინისტრმა კიდევ ერთხელ ისაუბრა იმ რეფორმების მნიშვნელობაზე, რომელსაც ფინანსთა სამინისტრო გეგმავს 2018 წელს, ასევე ხაზი გაუსვა როგორც ბიზნესის, ისე ფართო საზოგადოების წარმომადგენლებთან აქტიური კომუნიკაციის აუცილებლობას.

„შეხვედრაზე ვისაუბრეთ იმ პრიორიტეტებზე, რომელზეც განსაკუთრებული აქცენტი გაკეთდება 2018 წელს. როგორც იცით, თითქმის მილიარდი ლარითაა გაზრდილი 2018 წლის ბიუჯეტი, მომავალი წელი კიდევ უფრო დინამიური იქნება ეკონომიკური ზრდის თვალსაზრისით. ამასთან ერთად, იზრდება გამოწვევებიც, ფართოვდება ეკონომიკური და ფინანსური დანაშაულის სპექტრიც. შესაბამისად, საგამოძიებო სამსახურში იქნება სიახლეები. ასევე, მნიშვნელოვანი ამოცანაა, საზოგადოებას ჰქონდეს მაქსიმალური ნდობა ფინანსთა სამინისტროს საგამოძიებო სამსახურის, თითოეული იმ რეფორმის მიმართ, რომელსაც ჩვენ განვახორციელებთ“, - განაცხადა ფინანსთა მინისტრმა, მამუკა ბახტაძემ.

მისი თქმით, მნიშვნელოვანია, ფინანსთა სამინისტროს საგამოძიებო სამსახურის მუშაობა იყოს ობიექტური, სამართლიანი და ამავე დროს, პრინციპული კანონის უზენაესობის დაცვის, ეკონომიკური დანაშაულის წინააღმდეგ ბრძოლის მიმართულებით.

ფინანსთა სამინისტროს საგამოძიებო სამსახურის უფროსის, ლევან გამყრელიძის განცხადებით, 2018 წელს გაგრძელდება ფინანსური და ეკონომიკური დანაშაულის წინააღმდეგ ბრძოლა და პრევენციული ღონისძიებები, ასევე საერთაშორისო დონორების მხარდაჭერით თანამშრომელთა გადამზადების, გამოცდილების გაზიარებისა და ახალგაზრდა კადრების სტაჟირების პროგრამები.

შეხვედრაზე მამუკა ბახტაძემ კიდევ ერთხელ გაუსვა ხაზი ფინანსთა სამინისტროს საგამოძიებო სამსახურის როლს ქვეყნის ეკონომიკური უსაფრთხოების დაცვის უზრუნველყოფის მიმართულებით და აღნიშნა, რომ მომავალ წელს, მნიშვნელოვანი ნაბიჯები გადაიდგმება სამსახურის მატერიალურ-ტექნიკური ბაზის გაუმჯობესების კუთხით.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)