გიორგი ტყემალაძე სამგორის რაიონის მოსახლეობას შეხვდა

თბილისის საკრებულოს თავმჯდომარე გიორგი ტყემალაძე სამგორის რაიონის მოსახლეობასთან პერმანენტულ შეხვედრებს განაგრძობს. როგორც რაიონის მაჟორიტარმა დეპუტატმა აღნიშნა, მოსახლეობასთან ხშირი კომუნიკაცია, პრობლემების მოსმენა და მათი გადაჭრის გზებზე ერთობლივი მუშაობა მისი წინასაარჩევნო დაპირება იყო. ამის შესახებ ინფორმაციას თბილისის საკრებულო ავრცელებს.

გიორგი ტყემალაძე ვარკეთილის მეურნეობის, ორხევის, ლილოს და ალექსეევკის მცხოვრებლებს შეხვდა. სამგორის მაჟორიტარმა დეპუტატმა ადგილობრივებს 2018 წლის ბიუჯეტით განსაზღვრული პრიორიტეტები გააცნო და იმ პროექტების შესახებ ესაუბრა, რომლებიც მომავალ წელს რაიონში განხორციელდება.

გიორგი ტყემალაძის თქმით, დედაქალაქის 2018 წლის მთავარ საფინანსო დოკუმენტში მნიშვნელოვანი ადგილი ინფრასტრუქტურული და სოციალური პროექტების განხორციელებას უკავია. სამგორის მაჟორიტარმა დეპუტატმა ადგილობრივ მოსახლეობას რაიონში დაგეგმილი პროექტების შესახებ დეტალური ინფორმაცია მიაწოდა და მათ შეკითხვებს უპასუხა.

გიორგი ტყემალაძის თქმით, ერთ-ერთი უმთავრესი პრობლემა, რომელიც რაიონში არსებობს, გზების კეთილმოწყობა და სანიაღვრე სისტემის მოწესრიგებაა. საკრებულოს თავმჯდომარის თქმით, გარდა ინფრასტრუქტურული პროექტებისა, სამგორის რაიონში სატრანსპორტო პრობლემის მოგვარება, საბავშვო ბაღის მშენებლობა და სკვერებისა და სპორტული მოედნების მოწყობაც იგეგმება.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში