საქართველოს წმინდა საერთაშორისო საინვესტიციო პოზიცია, 2017 წლის 30 სექტემბრის მდგომარეობით, 10.2 მლნ აშშ დოლარით გაუმჯობესდა

საქართველოს ეროვნული ბანკის ინფორმაციით, საქართველოს წმინდა საერთაშორისო საინვესტიციო პოზიციამ, 2017 წლის 30 სექტემბრის მდგომარეობით -21.5 მლრდ აშშ დოლარი (-53.3 მლრდ ლარი) შეადგინა.

როგორც ”ინტერპრესნიუსს” ბანკის პრესსამსახურიდან აცნობეს, აღნიშნული მაჩვენებელი მშპ-ს (ბოლო ოთხი კვარტალის) -144.4%-ია. აღნიშნული მაჩვენებელი წინა კვარტალთან შედარებით 10.2 მლნ აშშ დოლარით გაუმჯობესდა.

ამასთან, მათივე ცნობით, 2017 წლის 30 სექტემბრის მდგომარეობით, მთლიანი საერთაშორისო აქტივები 9.0 მლრდ აშშ დოლარია (22.3 მლრდ ლარი), რაც წინა კვარტალის მაჩვენებელს 478.6 მლნ აშშ დოლარით აღემატება.

მთლიანმა საერთაშორისო ვალდებულებებმა 30.5 მლრდ აშშ დოლარი (75.6 მლრდ ლარი) შეადგინა, რაც წინა კვარტალის მაჩვენებელზე 467.3 მლნ აშშ დოლარით მეტია.