პანკისში, სოფელ დუისში ჩატარებული სპეცოპერაციის დროს თავის არეში დაჭრილ თემირლან მაჩალიკაშვილს მშობლები დღეს, 16:00 საათის შემდეგ მოინახულებენ.

თემირლან მაჩალიკაშვილი თელავის საავადმყოფოდან თბილისში, წმინდა მიქაელ მთავარანგელოზის სახელობის მრავალპროფილიანი კლინიკური საავადმყოფოს რეანიმაციულ განყოფილებაში მართვით სუნთქვაზე იმყოფება.

მაჩალიკაშვილის დედას მედიკო მარგოშვილს და მამას მალხაზ მაჩალიკაშვილს შვილის მონახულების საშუალება 17:00 საათამდე ექნებათ.

მშობლები სპეცოპერაციაში მონაწილე პირების გამოვლენასა და დასჯას ითხოვენ.