პრეზიდენტის სიძის მეგობარი მიხეილ თათარიშვილი კიდევ ერთ ბრალდებაში გაამართლეს

პრეზიდენტის სიძის მეგობარი მიხეილ თათარიშვილი კიდევ ერთ ბრალდებაში გაამართლეს. კერძოდ, ქურდობის ბრალდების ნაწილში სასამართლომ თათარიშვილი უდანაშაულოდ ცნო.

თათარიშვილს გამოძიება ძვირფასი სამკაულების ქურდობას ედავებოდა.

მას აღნიშნულ საქმეზე აღკვეთის ღონისძიების სახით გირაო ჰქონდა შეფარდებული.

დაცვის მხარე საქმეში აპელირებდა იმაზე, რომ თათარიშვილის ჩხრეკის ოქმი გაყალბებული იყო და რეალურად მისგან ე. წ. ნაქურდალი ნივთების ამოღება არ მომხდარა.

ადვოკატ ირმა ჭკადუას განცხადებით, ჩხრეკის ოქმში დაფიქსირებულია, რომ ნაქურდალი ნივთები თათარიშვილის ქურთუკის სარჩულიდანაა ამოღებული, რომელიც გარღვეული იყო, თუმცა სასამართლოზე გამოკვლეული მტკიცებულებით დადასტურდა, რომ ქურთუკი მთელი იყო.

პროკურატურა თბილისის საქალაქო სასამართლოს გადაწყვეტილებას თათარიშვილის გამართლებასთან დაკავშირებით სააპელაციო წესით გაასაჩივრებს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს