საკრებულოს მაჟორიტარი დეპუტატი გულია გოცირიძე გლდანის მოსახლეობას შეხვდა

თბილისის მუნიციპალიტეტის საკრებულოს მაჟორიტარმა დეპუტატმა გულია გოცირიძემ, მის სამაჟორიტარო ოლქში, გლდანის ლუწ მიკრორაიონებში მცხოვრებლებს დამდეგი შობა-ახალი წელი მიულოცა.

როგორც „ინტერპრესნიუსს“ თბილისის საკრებულოდან აცნობეს, გულია გოცირიძე ორი დღის მანძილზე 20 ოჯახს ესტუმრა და ომის ვეტერანებს, მარტოხელა მოხუცებს, მრავალშვილიან, სამაჩაბლოდან და აფხაზეთიდან იძულებით ადგილნაცვალ ოჯახებს საახალწლო ნობათები გადასცა. დეპუტატმა მათ დამდეგი შობა-ახალი წელი მიულოცა, სიკეთე და ჯანმრთელობა უსურვა და ყველა პრობლემის გადაწყვეტაში თანადგომას დაჰპირდა.