ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია 2017 წელს „ყველაზე ღია საჯარო უწყებად“ დასახელდა, - ამის შესახებ „ინტეპრესნიუსს“ ტურიზმის ეროვნული ადმინისტრაციიდან აცნობეს.
ორგანიზაციამ „ახალგაზრდა ადვოკატებმა“ საქართველოს პარლამენტის ეროვნულ ბიბლიოთეკაში 2017 წლის საქმიანობის შემაჯამებელი ღონისძიება გამართა და სასამართლო ინსტანციის, საჯარო და კერძო სექტორის, ასევე მედიის წარმომადგენლები სპეციალურ ნომინაციებში დააჯილდოვა.
მათივე ინფორმაციით, ყოველწლიური დაჯილდოების ცერემონიას „ახალგაზრდა ადვოკატები“ 2014 წლიდან მართავენ. დაჯილდოების ცერემონიაზე სულ 21 ნომინანტი გამოვლინდა.