ხორავას ქუჩაზე მომხდარ მკვლელობაში ბრალდებულის ადვოკატი განცხადებას ავრცელებს

ხორავას ქუჩაზე მომხდარ მკვლელობაში ბრალდებული გ.ჯ.-ს ადვოკატი ტარიელ კაკაბაძე სპეცილურ მიმართვას ავრცელებს. როგორც განცხადებაშია აღნიშნული,

დაცვის მხარეს მიაჩნია, რომ გამოძიება ჩქარობს, რაც საქმეზე ობიექტური ჭეშმარიტების დადგენას ხელს არ უწყობს.

"ჩვენ, ბრალდებულ გ.ჯ.-ს დაცვის მხარე, მომხდარიდან პირველ დღეებში გაკეთებული განცხადების შემდეგ, თავს შეგნებულად ვიკავებდით ყოველგვარი კომენტარისგან. ვაკვირდებოდით გამოძიების მიმდინარეობას, ველოდებოდით ექსპერტიზის შედეგებს, რათა შეგვეფასებინა რამდენად გამართულად მიმდინარეობს სამართლებრივი პროცესი.

გამოძიების პირველ ეტაპზე პროკურატურის მიერ მოპოვებული მტკიცებულებების გაცნობის შემდეგ მიგვაჩნია, რომ არსებობს მთელი რიგი საკითხებისა, რომლებზეც პასუხი გამოძიებას არ გაუცია. შესაბამისად, მივდივართ იმ დასკვნამდე, რომ გამოძიება ჩქარობს, რაც ხელს არ უწყობს საქმეზე ობიექტური ჭეშმარიტების დადგენას.

სწორედ ამიტომ, 26 დეკემბერს მივმართეთ საქალაქო სასამართლოს გამოძიების ვადის გაგრძელებასთან დაკავშირებით და მოვითხოვეთ კომპლექსური ექსპერტიზის ჩატარება. ჩვენი მიზანია, დადგინდეს სიმართლე და ყველაფერს ვაკეთებთ იმისთვის, რომ პასუხი გაეცეს ყველა იმ კითხვას, რომელიც ითხოვს სიზუსტეს და აწუხებს საზოგადოებას", - აღნიშნულია კაკაბაძის განცხადებაში.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა