კოლუმბიაში ღამის კლუბში ხელყუმბარის აფეთქების შედეგად 30 ადამიანი დაშავდა

კოლუმბიის ქალაქ კაუკასიაში, ღამის კლუბში ხელყუმბარის აფეთქების შედეგად, სულ მცირე 30 ადამიანი დაშავდა. ამის შესახებ ქალაქის მერმა განაცხადა.

მისი ინფორმაციით, დააკავეს მამაკაცი და ქალი, რომლებიც მომხდარში არიან ეჭვმიტანილი.

აფეთქების შედეგად დაშავებული 11 ადამიანის მდგომარეობა მძიმეა. მერის განცხადებით, 23 წლის მამაკაცი, რომელმაც ხელყუმბარა ისროლა, ადგილობრივ მკვლელთა რიცხვს მიეკუთვნება, რომელმაც ადრე უკვე ჩაიდინა სხვადასხვა სახის თავდასხმები.

ქალაქის ხელმძღვანელი ვარაუდობს, რომ ხელყუმბარის აფეთქება შესაძლოა ღამის კლუბის ხელმძღვანელობისგან ფულის გამოძალვის მცდელობას უკავშირდებოდეს.