ოზურგეთის რაიონში ავარიას ერთი ოჯახის ორი წევრი ემსხვერპლა

ოზურგეთის რაიონის სოფელ ლაითურში მომხდარ ავარიას ერთი ოჯახის ორი წევრი ემსხვერპლა. შემთხვევა დღეს მოხდა.

მსუბუქი ავტომობილი, რომელშიც ოჯახის ოთხი წევრი იმყოფებოდა, ხევში გადავარდა. მომხდარის შედეგად მამაკაცი და მისი მეუღლე გარდაიცვალნენ, მათი შვილი და სიძე კი მძიმე მდგომარეობაში საავადმყოფოში არიან გადაყვანილი.

როგორც "ინტერპრესნიუსს" შინაგან საქმეთა სამინისტროს პრესსამსახურში განუცხადეს, მომხდარზე გამოძიება 276-ე მუხლის მეხუთე ნაწილით მიმდინარეობს, რაც ავტოსატრანსპორტო საშუალების ექსპლუატაციის წესების დარღვევას გულისხმობს, რამაც სიცოცხლის მოსპობა გამოიწვია.