თბილისში, გამრეკელის ქუჩაზე „საქართველოს ბანკის“ ექსპრესბანკზე თავდასხმა მოხდა. როგორც „ინტერპრესნიუსს“ შინაგან საქმეთა სამინისტროს პრესსამსახურში განუცხადეს, დაცვისა და საპატრულო პოლიციის ერთობლივი ღონისძიების შედეგად თავდამსხმელი ცხელ კვალზე დააკავეს. შემთხვევის ადგილზე მობილიზებული არიან სამართალდამცველები.
არსებული ინფორმაციით, ბანკის ერთ-ერთი თანამშრომელი შეუძლოდ გახდა. ადგილზე მობილიზებული იყო სასწრაფო დახმარების ბრიგადა.
გამოძიება სისხლის სამართლის კოდექსის ორი მუხლით მიმდინარეობს: 179-ე, ყაჩაღობის მუხლითა და 236-ე მუხლით, რაც ცეცხლსასროლი იარაღის მართლსაწინააღმდეგო შეძენა-შენახვას გულისხმობს.