გამრეკელის ქ. #116-ში მდებარე „საქართველოს ბანკის“ ექსპრესბანკის ფილიალზე თავდასხმის შედეგად არავინ დაშავებულა, - ამის შესახებ „ინტერპრესნიუსს“ ადგილზე მყოფმა ბანკის თანამშრომელმა განუცხადა.
მისივე განმარტებით, მომხდართან დაკავშირებით დაკავებულია ერთი პირი. თავდამსხმელმა ექსპრესბანკიდან თანხის გატანა ვერ შეძლო.
შემთხვევის ადგილზე მობილიზებულია საპატრულო პოლიცია და მიმდინარეობს საგამოძიებო მოქმედებები. თავდამსხმელი ცეცხლსასროლი იარაღით იმყოფებოდა.
გამოძიება სისხლის სამართლის კოდექსის ორი მუხლით მიმდინარეობს: 179-ე, ყაჩაღობის მუხლითა და 236-ე მუხლით, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.