ოზურგეთის რაიონის სოფელ ლაითურში მომხდარ ავარიას ოჯახის ორი წევრი ემსხვერპლა. შემთხვევა გუშინ მოხდა.
მსუბუქი ავტომობილი, რომელშიც ოჯახის ოთხი წევრი იმყოფებოდა, ხევში გადავარდა. მომხდარის შედეგად მამაკაცი და მისი მეუღლე გარდაიცვალნენ, მათი შვილი და სიძე კი მძიმე მდგომარეობაში საავადმყოფოში არიან გადაყვანილი.
როგორც "ინტერპრესნიუსს" შინაგან საქმეთა სამინისტროს პრესსამსახურში განუცხადეს, მომხდარზე გამოძიება 276-ე მუხლის მეხუთე ნაწილით მიმდინარეობს, რაც ავტოსატრანსპორტო საშუალების ექსპლუატაციის წესების დარღვევას გულისხმობს, რამაც სიცოცხლის მოსპობა გამოიწვია.