თურქული მედია - რიზეში ყაჩაღობის ფაქტზე სამი ქართველი დააკავეს

რიზეში ყაჩაღობის ფაქტზე სამი ქართველი დააკავეს. ამის შესახებ გამოცემა „მილიეტი“ წერს. უსაფრთხოების დეპარტამენტის რიზეს სამმართველოს თანამშრომლებმა ქალაქის ერთ-ერთ უბანში ქართული სანომრე ნიშნებით მოძრავი მიკროავტობუსი გააჩერეს.

გამოცემის ინფორმაციით, მიკროავტობუსით საქართველოს მოქალაქეები: გიორგი მაშია და მერაბ ფიფია და უკრაინის მოქალაქე ვალერი გვასალია გადაადგილდებოდნენ.

მიკროავტობუსში ჩატარებული ჩხრეკისას სამართალდამცველებმა 28 600 აშშ დოლარი, 1000 ევრო, 1800 თურქული ლირა და 4 მობილური ტელეფონი ამოიღეს.

საქმე ქალაქ სამსუნის სასამართლომ განიხილა. მოსამართლის გადაწყვეტილებით, მერაბ ფიფია სასამართლო დარბაზიდან გათავისუფლდა, ხოლო გიორგი მაშიას და ვალერი გვასალიას პატიმრობა მიესაჯათ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა