ვლადიმერ პუტინმა დონალდ ტრამპს ახალი წელი მიულოცა
რუსეთის პრეზიდენტმა ვლადიმერ პუტინმა ამერიკელ კოლეგა დონალდ ტრამპს შობა და დამდეგი ახალი წელი მიულოცა. ამის შესახებ კრემლის პრესსამსახური იუწყება.
„თანასწორუფლებიანობა და ორმხრივი პატივისცემა რუსულ-ამერიკული ურთიერთობების განვითარების საფუძველი უნდა იყოს, ხოლო მოსკოვსა და ვაშინგტონს შორის დიალოგი აუცილებელია მსოფლიოში სტრატეგიული სტაბილურობის გასამყარებლად. შექმნილ რთულ საერთაშორისო ვითარებაში მსოფლიოში სტრატეგიული სტაბილურობის გამყარებისა და გლობალურ გამოწვევებსა და საფრთხეებზე ოპტიმალური პასუხების მოძებნის მიზნით კონსტრუქციული რუსულ-ამერიკული დიალოგის დამყარება განსაკუთრებულ მნიშვნელობას იძენს“, - ნათქვამია პუტინის მისალოც მიმართვაში.
