2018 წლის 1-ელი იანვრიდან ტრანსგენდერები კვლავ შეძლებენ აშშ-ს შეიარაღებულ ძალებში იმსახურონ. აშშ-ს თავდაცვის სამინისტროს ინფორმაციით, პრეზიდენტ დონალდ ტრამპის ადმინისტრაციამ გადაწყვიტა ჯერ არ გაასაჩივროს ქვეყნის უზენაეს სასამართლოში ქვედა ინსტანციების სასამართლოების გადაწყვეტილებები ტრამპის ბრძანების გაუქმების შესახებ.

პენტაგონის ინფორმაციით, თეთრ სახლში დაელოდებიან ამ საკითხზე დამოუკიდებელი კვლევის შედეგებს, რომელიც „უახლოეს კვირებში“ ჩატარდება. შესაბამისად, 1-ელი იანვრიდან ტრანსგენდერები შეძლებენ შეიარაღებულ ძალებში ჩარიცხვაზე განცხადებები შეიტანონ.