ხარკოვში, ფოსტის შენობაში შეჭრილმა მამაკაცმა 11 მძევალი აიყვანა
ხარკოვში უცნობმა მამაკაცმა ფოსტის შენობა დაიკავა და მძევლები აიყვანა. უკრაინული მედიის ინფორმაციით, მამაკაცმა მძევლად 9 ზრდასრული და 2 ბავშვი აიყვანა. ადგილზე მობილიზებულია პოლიცია, სახანძრო და სასწრაფო დახმარების ბრიგადები. ადგილზე ასევე გამნაღმველებიც იმყოფებიან.
როგორც უკრაინული მედია წერს, მამაკაცი, რომელსაც მძევლები ჰყავს აყვანილი აცხადებს, რომ მას ასაფეთქებელი მოწყობილობა აქვს.
როგორც უკრაინის ნაციონალური პოლიციის სპიკერმა იაროსლავ ტრაკალომ განაცხადა, მამაკაცი ხარკოვში მდებარე, უკრაინის ფოსტის შენობაში ყაჩაღობის მიზნით შევიდა.
