კახა კალაძემ თბილისის ხანდაზმულთა პანსიონატის ბენეფიციარებს დამდეგი ახალი წელი მიულოცა

დედაქალაქის მერი კახა კალაძე თბილისის ხანდაზმულთა პანსიონატში იმყოფებოდა, რომლის ბენეფიციარებსაც დამდეგი შობა-ახალი წელი მიულოცა. როგორც „ინტერპრესნიუსს“ თბილისის მერიის პრესსამსახურიდან აცნობეს, კახა კალაძემ არსებული პრობლემების შესახებ ინფორმაცია მოისმინა და პანსიონატის ბენეფიციარებსა და თანამშრომლებს მათ მოგვარებაში დახმარებას დაპირდა.

„მინდა, ჯანმრთელობა, მხნეობა და ყოველივე საუკეთესო გისურვოთ. მე, როგორც ქალაქის მერი, ყველანაირად გვერდში დაგიდგებით, რომ არსებული მდგომარეობა კიდევ უფრო უკეთესი იყოს. თქვენ ხართ ის ადამიანები, ვისაც თანადგომა და მხარდაჭერა ყველაზე მეტად სჭირდება. მერიის იმედი გქონდეთ, რომ ჩვენ ყველანაირად ხელს შეგიწყობთ“, - განაცხადა კახა კალაძემ.

თბილისის ხანდაზმულთა პანსიონატი, რომელსაც ამჟამად, 56 ბენეფიციარი ჰყავს, თემქის მე-11 მიკრორაიონში, ანაპის 414-ე დივიზიის ქუჩაზე მდებარეობს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს