რუსთავში, ყოფილი სასაწყობე მეურნეობის ტერიტორიაზე ძლიერი დაკვამლიანებაა

რუსთავში, ცურტაველის ქუჩის მიმდებარედ, „ზედაზენის" ყოფილი სასაწყობე მეურნეობის ტერიტორიაზე, ძლიერი დაკვამლიანებაა. ადგილზე მობილიზებულია სახანძრო-სამაშველო ბრიგადები.

წინასწარი ინფორმაციით, მიტოვებულ შენობაში არსებულ ქვანახშირის ღუმელში მილი გასკდა და ნახშირის წვა ხდება, რამაც ძლიერი დაკვამლიანება გამოიწვია. ამ წუთებში ხანძრის ლიკვიდაცია მიმდინარეობს.

არსებული ინფორმაციით, შემთხვევის შედეგად არავინ დაშავებულა.