რუსთავის მუნიციპალური ტრანსპორტი საახალწლო დღეებში მოსახლეობას უფასოდ მოემსახურება. როგორც „ინტერპრესნიუსს“ რუსთავის მერიიდან აცნობეს,31 დეკემბერს მუნიციპალური ავტობუსები, ქალაქში საახალწლო კონცერტის დასრულებამდე გვიან ღამემდე იმოძრავებენ, 1-ელ და 2 იანვარს კი, მგზავრებს უფასოდ გადაიყვანენ.

როგორც რუსთავის მუნიციპალური ტრანსპორტის დირექტორი ფრიდონ დვალაძე აცხადებს, წელს რუსთავის მერის ირაკლი ტაბაღუას ინიციატივით, 1-ელ და 2 იანვარს მგზავრებს უფასოდ მოემსახურებიან. ამასთან, ახალი წლის ღამეს 20:00 საათის ნაცვლად, ყვითელი ავტობუსების მძღოლები 23:00 საათამდე იმუშავებენ.