საუდის არაბეთის გარდაცვლილი მეფის აბდალა იბნ აბდულ-აზიზ ალ საუდის ორი ვაჟი, ფეისალ ბენ აბდალა და მაშაალ ბენ აბდალა პატიმრობიდან გათავისუფლდა. ისინი პატიმრობაში კორუფციის ბრალდებით იმყოფებოდნენ. ამის შესახებ გამოცემა The National იუწყება.
გამოცემის ინფორმაციით, პატიმრობაში ახლა მხოლოდ ერთი პრინცი - თურქი ბენ აბდალა რჩება. გარდაცვლილი მეფის კიდევ ერთი ვაჟი, მითაბ ბენ აბდალა პატიმრობიდან ნოემბერში გათავისუფლდა.
4 ნოემბერს საუდის არაბეთის კორუფციასთან ბრძოლის უზენაესმა კომიტეტმა საუდის არაბეთის 11 პრინცის, ასევე, რამდენიმე ყოფილი და მოქმედი მინისტრის დაკავების სანქცია გასცა. მათ ბრალად კორუფციული გარიგებები ედებოდათ.