პანკისში ჩატარებული სპეცოპერაციისას დაჭრილი თემირლან მაჩალიკაშვილის ჯანმრთელობის მდგომარეობა კრიტიკულად მძიმე რჩება. ამის შესახებ „ინტერპრესნიუსს“ ექიმმა ზაზა ლურსმანაშვილმა განუცხადა.
„მდგომარეობა ძირითადად უცვლელია. რაიმე განსაკუთრებული ძვრები არ ყოფილა. ისეთივე კრიტიკული სიტუაციაა, როგორიც იყო გუშინ“, - განაცხადა ზაზა ლურსმანაშვილმა.
შეგახსენებთ, რომ თემირლან მაჩალიკაშვილი 26 დეკემბერს, სუს-ის მიერ პანკისში ჩატარებული სპეცოპერაციისას თავის არეში დაჭრეს. მაჩალიკაშვილი თავდაპირველად თელავის საავადმყოფოში გადაიყვანეს, შემდეგ კი - თბილისში, წმინდა მიქაელ მთავარანგელოზის სახელობის მრავალპროფილიან კლინიკურ საავადმყოფოში.