ნისლისა და ცუდი ხილვადობის გამო, თბილისის საერთაშორისო აეროპორტში ერთი რეისი გაუქმდა.

როგორც ”ინტერპრესნიუსს” თბილისის საერთაშორისო აეროპორტში განუცხადეს, ვარშავიდან თბილისის მიმართულებით ავიაკომპანია ”ლოტის” რეისი გამთენიისას უნდა შესრულებულიყო, თუმცა გაუქმდა. რაც შეეხება სხვა რეისებს, აეროპორტის ინფორმაციით, მცირე დაგვიანებით, თუმცა ყველა რეისი მაინც შესრულდა.

მათივე ცნობით, ამჟამად თბილისის საერთაშორისო აეროპორტი ჩვეულ რეჟიმში, შეფერხებების გარეშე განაგრძობს მუშაობას.

თბილისის საერთაშორისო აეროპორტში რეისი უამინდობის გამო გადაიდო