ირანში ანტისამთავრობო აქციების მსვლელობისას ორი ადამიანი დაიღუპა

ირანში ანტისამთავრობო აქციების მსვლელობისას ორი ადამიანი დაიღუპა. აღნიშნულის შესახებ ადგილობრივი მედია იუწყება.

არსებული ინფორმაციით, ორი პირი ქალაქ დორუდში მოკლეს.

ირანში უკვე მესამე დღეა მასობრივი ანტისამთავრობო აქციები იმართება. აქციის მონაწილეები სკანდირებენ: „სიკვდილი ჰამენეის“, „სიკვდილი დიქტატორს“, „არ გვსურს ისლამური რესპუბლიკა“.

ირანის მთავრობამ მოქალაქეებს მოუწოდა მონაწილეობა არ მიიღონ არაკანონიერ მიტინგებში. მიუხედავად ამისა, საპროტესტო აქციები მაინც გრძელდება. აქციის მონაწილეები კორუფციასა და ცხოვრების დონის გაუარესებას აპროტესტებენ.

ირანის მთავრობამ თავის მხრივ საპროტესტო აქციების მოწყობაში „კონტრრევოლუციონერები“ და უცხოელი აგენტები დაადანაშაულა.

აშშ-ის პრეზიდენტის დონალდ ტრამპის ადმინისტრაციამ ირანის ხელისუფლება გააფრთხილა, რომ ”მსოფლიო აკვირდება ირანში განვითარებულ მოვლენებს”.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 26.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა