ქუთაისში საახალწლო ღონისძიებები დაიწყო. მერიის კულტურის სამსახურის ორგანიზებით, რეაბილიტირებულ უბანში საახალწლო საბავშვო ქალაქი გაიხსნა,რომელშიც მონაწილეობა ქუთაისის ახალგაზრდული ცენტრის ბალერინებმა მიიღეს.
მოეწყობა ხელნაკეთი საახალწლო აქსესუარების, სუვენირების და მისალოცი ბარათების, ხალხური რეწვის ნიმუშების, საახალწლო ნაძვის ხეებისა და მცენარეების საშობაო გამოფენა-გაყიდვა.
ბავშვებისთვის თოჯინების სახლის მიერ პოპულარული ანიმაციური ფილმებისა და ზღაპრების გმირების მონაწილეობით წარმოდგენა გაიმართება.
21:00 საათზე ცენტრალურ მოედანზე დაიწყება გალა-კონცერტი, მასში მონაწილეობას „ოჩოს ქოხი“ და ჯგუფი „მეტეხი“ მიიღებენ. კონცერტი ფოიერვერკით დასრულდება. ქუთაისში სახალწლო ღონისძიებები 12 იანვრამდე გაგრძელდება.