ონში გზის გაწმენდითი სამუშაოები დაიწყო

ონში, ე.წ ”საგლოლოს” ტერიტორიაზე გზის გაწმენდითი სამუშაოები დაიწყო, - ამის შესახებ ”ინტერპრესნიუსს” ონის მერმა, ემზარ საბანაძემ განუცხადა.

მისი თქმით, ადგილზე მუშაობს მძიმე ტექნიკა და სავარაუდოდ დღის ბოლოსთვის გზაზე გადაადგილება შესაძლებელი იქნება.

შეგახსენებთ, რომ გუშინ, ე.წ. საგლოლოს ტერიტორიაზე ჩამოვიდა დიდი ზომის მეწყერი, რის გამოც სატრანსპორტო მოძრაობა შეწყდა.

შემთხვევის ადგილზე გუშინვე იმყოფებოდა ონის მერი, ემზარ საბანაძე და შინაგან საქმეთა სამინისტროს თანამშრომლები.