გიორგი ტყემალაძემ თბილისელებს ახალი წელი მიულოცა
თბილისის საკრებულოს თავმჯდომარე გიორგი ტყემალაძე ოჯახთან ერთად ვარკეთილში გამართულ საახალწლო კონცერტს დაესწრო.
როგორც ”ინტერპრესნიუსს” საკრებულოს პრესსამსახურიდან აცნობეს, საკრებულოს თავმჯდომარე თავმჯდომარის პირველ მოადგილესთან, გიორგი ახვლედიანთან და საკრებულოს წევრებთან ერთად ვარკეთილში მეტროთი მივიდა და მეტროპოლიტენის თანამშრომლებსა და მგზავრებს სიმბოლური საახალწლო საჩუქრები გადასცა. მეტროს შემდეგ, საკრებულოს თავმჯდომარემ და დეპუტატებმა ავტობუსითაც იმგზავრეს და ვარკეთილში გამართულ საახალწლო კონცერტს დაესწრნენ.
"მინდა თბილისელებს 2018 წელი მივულოცო. თითოეულ მათგანს მშვიდობას, სურვილების ასრულებას და სიცოცხლით სავსე ქალაქში ცხოვრებას ვუსურვებ. დარწმუნებული ვარ, რომ ეს წელი იქნება ძალიან წარმატებული და ის პროექტები, რომლებიც თბილისის მერიის მიერ არის დაგეგმილი, ნამდვილად გადააქცევს თბილისს სიცოცხლით სავსე ქალაქად", - განაცხადა გიორგი ტყემალაძემ.
ღონისძიებას მოგვიანებით თბილისის მერი კახა კალაძე ესტუმრა.
