საქართველოს ყოფილი პრეზიდენტის მიხეილ სააკაშვილის ადვოკატი სოფიო გოგლიჩიძე საქმის მასალებს გაეცნო, თუმცა, დღესაც მოითხოვს თუ არა პროცესის გადადებას, ჯერჯერობით არ აკონკრეტებს, - ამის შესახებ ”ინტერპრესნიუსს” სააკაშვილის სახაზინო ადვოკატმა, სოფიო გოგლიჩიძემ განუცხადა.
როგორც ცნობილია, სანდრო გირგვლიანის საქმეზე მიხეილ სააკაშვილის სასამართლო პროცესი უკვე ორჯერ იმ მიზეზით გადაიდო, რომ ადვოკატმა საქმის მასალების გაცნობის მიზნით დრო ითხოვა.
ადვოკატი წინა პროცესზე აცხადებდა, რომ თუ 3 იანვრისთვის არ ექნება მომზადებული დასკვნითი სიტყვა, შესაძლოა გონივრული ვადა კვლავ მოითხოვოს.
პროკურორი ირაკლი ნადარეიშვილი კი დღევანდელ პროცესზე სოფიო გოგლიჩის დისციპლინური პასუხისმგებლობის საკითხის დაყენებას აპირებს, თუკი ის ”პროცესის გადადებას კვლავ არარეალური მიზეზით მოითხოვს“.