ჰონდურასში პრეზიდენტობის დამარცხებული კანდიდატი ინაუგურაციის გამართვას გეგმავს

ჰონდურასში ოპოზიციის ლიდერებმა ხალხს საპრეზიდენტო არჩევნების შედეგების გაყალბების გამო აჯანყებისკენ მოუწოდა, დამარცხებულმა კანდიდატმა სალვადორ ნასრალამ კი საკუთარი ინაუგურაციის მომზადების შესახებ განაცხადა.

„27 იანვრიდან სახალხო აჯანყება იწყება, ხალხი არ დაემორჩილება უზურპატორების მთავრობას, ჩვენ მათ ქუჩებში დავუპირისპირდებით“, - განაცხადა ოპოზიციური ალიანსის კოორდინატორმა, ჰონდურასის ყოფილმა პრეზიდენტმა მანუელ სელაიამ.

თავის მხრივ, ოპოზიციის საპრეზიდენტო კანდიდატმა სალვადორ ნასრალამ განაცხადა, რომ მზად არის პრეზიდენტის მოვალეობების შესრულებას შეუდგეს. „მე ჰონდურასის პრეზიდენტის მოვალეობების შესრულებას 27 იანვარს დავიწყებ“, - განაცხადა მან.

ჰონდურასში საპრეზიდენტო არჩევნები 26 ნოემბერს ჩატარდა, მაგრამ მოქმედი პრეზიდენტის ხუან ორლანდო ერნანდესის გამარჯვების შესახებ მხოლოდ დეკემბრის შუა რიცხვებში გახდა ცნობილი. ოპოზიციამ მძლავრი საპროტესტო აქციები დაიწყო, რომლებიც მასობრივ არეულობებში გადაიზარდა. დაიღუპა სულ მცირე 30 ადამიანი. მომიტინგეები მეორე ტურის გამართვას ან ხმების გადათვლას ითხოვდნენ, ხელისუფლებამ კი კომენდანტის საათი შემოიღო.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს