დონალდ ტრამპი „წლის ყველაზე უნამუსო და მოსყიდული მედიისთვის“ ჯილდოს მინიჭებას გეგმავს
აშშ-ის პრეზიდენტი, დონალდ ტრამპი „წლის ყველაზე უნამუსო და მოსყიდული მედიისთვის“ ჯილდოს მინიჭებას გეგმავს. ამის შესახებ აშშ-ს პრეზიდენტმა „ტვიტერის“ პირად გვერდზე დაწერა.
„ორშაბათს, 5 საათზე, ჯილდოს გამოვაცხადებ წლის ყველაზე უნამუსო და მოსყიდული მედიისთვის. კრიტერიუმად გამოვიყენებ უნამუსობას და ცუდ გაშუქებას სხვადასხვა კატეგორიებში. არ გამოტოვოთ!“ - დაწერა დონალდ ტრამპმა.
აღსანიშნავია, რომ დონალდ ტრამპი რეგულარულად აკრიტიკებს წამყვან მედიასაშუალებებს, განსაკუთრებით კი ტელეარხ CNN-ს.
