მიხეილ სააკაშვილის ადვოკატი, მისი დაცვის ქვეშ მყოფის მიმართ გამამართლებელი განაჩენის გამოტანას მოითხოვს. სააკაშვილის ადვოკატი, რომელიც ყოფილ პრეზიდენტს გირგვლიანის საქმეზე, სახელმწიფოს ხარჯზე იცავს, დღეს დასკვნით სიტყვას იტყვის. როგორც სოფიო გოგლიჩიძემ აღნიშნა, ის საქმეში არსებულ ყველა მტკიცებულებაზე გაამახვილებს ყურადღებას და მასზე სასამართლოს საკუთარ არგუმენტაციას ეტყვის.

"საქმეში არსებული მტკიცებულებები მაძლევს იმის მოთხოვნის საფუძველს, რომ მიხეილ სააკაშვილის მიმართ გამამართლებელი განაჩენი დადგეს", - განაცხადა სოფიო გოგლიჩიძემ.

სანდრო გირგვლიანის საქმეზე მიხეილ სააკაშვილს ბრალი სამსახურებრივი უფლებამოსილების ბოროტად გამოყენებაში ედება. კერძოდ, პროკურატურა მას მკვლელობაში ბრალდებულების შეწყალების ნაწილში ედავება.