ფინანსთა სამინისტროს სახაზინო ვალდებულებების აუქციონზე 40 000 000 ლარის ნომინალური ღირებულების 364-დღიანი ვადიანობის ფასიანი ქაღალდები გაიყიდა.

როგორც „ინტერპრესნიუსს“ საქართველოს ეროვნული ბანკიდან აცნობეს, აუქციონში მონაწილეობა მიიღო ხუთმა კომერციულმა ბანკმა. მოთხოვნამ 77 000 000 ლარი შეადგინა. მინიმალური საპროცენტო განაკვეთი - 7.250%-ით, მაქსიმალური - 7.530%-ით, ხოლო საშუალო შეწონილი 7.433%-ით განისაზღვრა.