ეკვატორული გვინეის ხელისუფლებამ სახელმწიფო გადატრიალების მცდელობა აღკვეთა, დაკავებულია 31 შეიარაღებული პირი. ამის შესახებ გამოცემა Jeune Afrique იუწყება.
გამოცემის ინფორმაციით, პრეზიდენტ თეოდორო ობიაბგ ნგუემა მბასოგოს წინააღმდეგ გადატრიალება 28 დეკემბერს აღკვეთეს. 31 შეიარაღებული პირი კამერუნის სამხრეთში დააკავეს. მათი უმეტესობა ჩადის და ცენტრალური აფრიკის მოქალაქეები არიან. ისინი ეკვატორული გვინეის საზღვრის გადაკვეთის და პუტჩის მხარდაჭერას გეგმავდნენ.
სააგენტო „ფრანს პრესის“ ინფორმაციით, უშიშროების მინისტრმა ნიკოლას ობამა ნჩამამ სახელმწიფო გადატრიალების მცდელობის აღკვეთის ფაქტი დაადასტურა.
მისი თქმით, შეიარაღებული პირები ეკვატორული გვინეის ოპოზიციამ უცხო ქვეყნების დახმარებით დაიქირავა.