ისრაელის პრეზიდენტი ილია მეორეს - თქვენმა სულიერმა წინამძღოლობამ უმნიშვნელოვანესი როლი შეასრულა თანამედროვე საქართველოს განვითარებაში და ტოლერანტობის სულის განმტკიცებაში

ისრაელის პრეზიდენტი რეუვენ რივლინი სრულიად საქართველოს კათოლიკოს-პატრიარქს, ილია მეორეს აღსაყდრებიდან 40 წლის იუბილეს ულოცავს.ისრაელის პრეზიდენტმა პატრიარქს მისალოცი წერილი გაუგზავნა, რომელიც საპატრიარქომ თავის გვერდზე გამოაქვეყნა.

”ისრაელის სახელმწიფოს სახელით, პატივი მაქვს, მივულოცოთ თქვენს აღმატებულებას, სრულიად საქართველოს კათოლიკოს-პატრიარქად მოღვაწეობის მეორმოცე წლის იუბილე. ამ პერიოდის განმავლობაში, თქვენმა სულიერმა წინამძღოლობამ უმნიშვნელოვანესი როლი შეასრულა თანამედროვე საქართველოს განვითარებაში და ტოლერანტობის სულის განმტკიცებაში, რაც დამახასიათებელია თქვენი ერისთვის.

ჩვენს ორ ერს შორის ურთიერთობები ითვლის 2600 წელზე მეტს. ებრაელი ერის წევრები მშვიდობიანად ცხოვრობდნენ და ვითარდებოდნენ თქვენს ქვეყანაში საუკუნეების განმავლობაში, ინაწილებდნენ რა თბილ ძმურ ურთიერთობას ქართველ ხალხთან ერთად. მრავალ საქართველოს ყოფილ მოქალაქეს, ვინც დაბრუნდა თავის ისტორიულ ებრაულ სამშობლოში და გახდა ისრაელის მოქალაქე, ახლა შეუძლია იმსახუროს როგორც მეგობრობისა და კულტურული ურთიერთობების მაკავშირებელმა ხიდმა ჩვენს ორ ერს შორის.

მე თბილად ვიხსენებ ჩემს ოფიციალურ ვიზიტს თბილისში ამ წლის იანვარში. ისრაელსა და საქართველოს აქვთ 25-წლიანი დიპლომატიური ურთიერთობა და მჯერა, რომ ამ ვიზიტმა ხელი შეუწყო ჩვენს ქვეყნებს შორის მეგობრული ურთიერთობების გაძლიერებას. მჯერა, რომ არსებობს დიდი პოტენციალი ამ მეგობრობის გასაძლიერებლად. მოველი, რომ ჩვენს ორ ქვეყანას შორის თანამშრომლობა და კეთილი ურთიერთობები მომავალში გაფართოვდება.

იერუსალიმიდან, ისრაელის სახელმწიფოს დედაქალაქიდან, რომელიც წმინდაა ებრაელთათვის და ყველა ქრისტიანისთვის, ნება მომეცით გამოგიგზავნოთ ჩვენი გულთბილი სალამი და კეთილი სურვილები თქვენ, თქვენო აღმატებულებავ და საქართველოს მთელ ხალხს ახალი 2018 წლისთვის”, - ნათქვამია რივლინის წერილში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს