პანკისის ხეობაში ჩატარებული სპეცოპერაციის დროს თემირლან მაჩალიკაშვილის დაჭრის ეპიზოდს დამოუკიდებელი ექსპერტი მაია ნიკოლეიშვილი შეისწავლის.
როგორც ”ინტერპრესნიუსს” თემირლან მაჩალიკაშვილის ოჯახის ადვოკატმა მარიამ კუბლაშვილმა განუცხადა, დამოუკიდებელი ექსპერტი დაადგენს, იყო თუ არა გადაუდებელი აუცილებლობა მაჩალიკაშვილის მიმართ სროლა.
მისივე თქმით, დამატებით დეტალებზე იმ საკითხებთან დაკავშირებით, რის შესწავლასაც დამოუკიდებელი ექსპერტი განახორციელებს, ამ დროისთვის არ აპირებს, რათა მათზე ზემოქმედება არ მოხდეს. ადვოკატის ინფორმაციით, დამოუკიდებელი ექსპერტი სამუშაოებს მომდევნო დღეების განმავლობაში დაიწყებს, მანამდე კი სხვადასხვა დეტალებს დაამუშავებს. კუბლაშვილსა და დამოუკიდებელ ექსპერტს შორის დღეს ხელშეკრულებაც გაფორმდა.