თემირლან მაჩალიკაშვილის სახლში საგამოძიებო პროცედურა ჩატარდა

პროკურატურის საგამოძიებო ჯგუფმა პანკისის ხეობაში, თემირლან მაჩალიკაშვილის სახლში საგამოძიებო პროცედურა ჩაატარა. ექსპერტები შემთხვევის ადგილს გუშინ რამდენიმე საათის განმავლობაში ათვალიერებდნენ.

ხეობაში იმყოფებოდა დაჭრილი ახალგაზრდის და, რომელიც თბილისიდან სპეციალურად ჩამოყვა ექსპერტთა ჯგუფს. ნატა მაჩალიკაშვილის ინფორმაციით, სპეციალისტებმა ყველა ნივთმტკიცება ამოიღეს.

მისივე თქმით, ოჯახს იმედი აქვს, რომ მომხდარის ობიექტურად გამოძიება მოხდება. სხვა შემთხვევაში არ გამოირიცხება, რომ საქმეში დამოუკიდებელი ექსპერტი ჩაერთოს.