ევროკავშირმა ისრაელის პარლამენტის მიერ პირველი მოსმენით მიღებული კანონპროექტი გააკრიტიკა, რომელიც ტერორისტების სიკვდილით დასჯას ეხება

ევროკავშირმა ისრაელის პარლამენტის მიერ პირველი მოსმენით მიღებული კანონპროექტი გააკრიტიკა, რომელიც სამხედრო სასამართლოებს ტერორისტებისთვის სიკვდილით დასჯის განაჩენის გამოტანას უადვილებს.

„სიკვდილით დასჯა შეუთავსებელია ადამიანურ ღირსებასთან. ის არაადამიანურ და შეურაცხმყოფელ მოპყრობას წარმოადგენს, არ გააჩნია დამტკიცებული შემაკავებელი ძალა და სასამართლოს შეცდომებს შეუქცევადს და საბედისწეროს ხდის“, - ნათქვამია ისრაელში ევროკავშირის წარმომადგენლობის განცხადებაში.

აღნიშნულ კანონპროექტს ისრაელის პარლამენტში პირველი მოსმენით 52 დეპუტატმა დაუჭირა მხარი, ხოლო 49 კი წინააღმდეგ წავიდა. კანონპროექტს მხარი დაუჭირა ასევე ისრაელის პრემიერ-მინისტრმა ბენიამინ ნეთანიაჰუმ.

მისი თქმით, „ადამიანი, რომელიც ხოცვა-ჟლეტას აწყობს, ცხოვრება გისოსებს მიღმა კი არ უნდა გაატაროს, არამედ სიკვდილით უნდა დაისაჯოს“.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს