“ნინო ქათამაძე & ინსაითი”, “კახაბერი და ხანუმები”, თეატრალურის კვარტეტი შობის დღესასწაულს გუდაურში ღია ცის ქვეშ ქართველ და უცხოელ მსმენელთან ერთად შეხვდებიან. ახალ გუდაურში შობის დღესასწაულთან დაკავშირებით დამსვენებლებისთვის გრანდიოზული უფასო კონცერტი გაიმართება.
ღონისძიების მასპინძელი კომპანიის ”რედ-კოს” მიზანია, გუდაურში დანერგოს მასშტაბური გასართობი აქტივობების სერია, რომელიც დამსვენებელს დღისით სრიალის შემდეგ საშუალებას მისცემს, რომ გართობის ალტერნატივა ღამითაც ჰქონდეს.
დეველოპერული კომპანიის მიერ ორგანიზებული ღონისძიება თავად ”რედ-კოს” ტერიტორიაზე გაიმართება. საშობაო კონცერტი 20:00 საათზე დაიწყება და შუაღამემდე გასტანს.
კომპანიის განმარტებით, წინასაშობაო ღონისძიება ერთგვარი პრეზენტაცია იქნება იმ 5 წლიანი შრომის შედეგებისა, რომელიც ”რედ-კომ” გასწია და ახალი გუდაური მულტიფუნქციურ სივრცედ აქცია. ამჟამად კომპლექსში საცხოვრებლად იდეალური პირობებია შექმნილი.
სამთო-სათხილამურო კურორტი გუდაური, რომელიც ზღვის დონიდან 2 000 მეტრ სიმაღლეზე მდებარეობს, ერთ-ერთი უმნიშვნელოვანესი ტურისტული ზონაა საქართველოში, რომელსაც სხვადასხვა ქვეყნებიდან ყოველწლიურად ათასობით ტურისტი სტუმრობს.
(R)