მანანა შეროზია - თვითონ უწმინდესმა თქვა, რომ არ არის მისი დაბადების დღის ზარ-ზეიმით აღნიშვნის დრო და საშუალება

სრულიად საქართველოს კათოლიკოს-პატრიარქის 85 წლის იუბილესთან დაკავშირებით საპატრიარქოში მღვდელმთავრები და საზოგადოების სხვადასხვა სფეროს წარმომადგენლები იკრიბებიან.

პატრიარქს იუბილე კულტურის მინისტრმა მიხეილ გიორგაძემ, რელიგიის საკითხთა სახელმწიფო სააგენტოს ხელმძღვანელმა ზაზა ვაშაყმაძემ, თსუ-ს რექტორმა გია შარვაშიძემ და სხვა პირებმა უკვე მიულოცეს. შეხვედრები მედიისთვის დახურულია. საპატრიარქოში, სავარაუდოდ, საქართველოს პრეზიდენტს, პრემიერ-მინისტრს, თბილისის მერს და ხელისუფლების სხვა წარმომადგენლებსაც ელოდებიან, რომლებიც უწმინდესს იუბილეს მიულოცავენ.

პატრიარქის ჯანმრთელობს მდგომარეობასთან დაკავშირებით ჟურნალისტებთან კომენტარი გააკეთა პატრიარქის თვალის ექიმმა, თვალის კლინიკის დირექტორმა მანანა შეროზიამ. მისი თქმით, პატრიარქის ჯანმრთელობის მდგომარეობა დამაკმაყოფილებელია. მან იმ მიზეზებზე ისაუბრა, თუ რატომ არ მოხდა პატრიარქის იუბილის ღონისძიებებით აღნიშვნა.

„უწმინდესმა თქვა, რომ ამის დრო და საშუალება არ არის, რომ ზარ-ზეიმით აღვნიშნოთ მისი დაბადების დღე. მხოლოდ ეს იყო მიზეზი. უწმინდესმა უარი თქვა პომპეზური დაბადების დღის აღნიშვნაზე და მოკრძალებულად მივულოცავთ“, - განაცხადა მანანა შეროზიამ.

მისივე თქმით, დიდი ბედნიერება გვხვდა წილად, რომ საქართველოს ასეთი პატრიარქი ჰყავს და მას უნდა გავუფრთხილდეთ.

პატრიარქს დღეს 85 წელი შეუსრულდა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა