ცაგერის რაიონის სოფელ ოყურეში საპროტესტო აქცია ჩატარდა. სოფლის მოსახლეობა უგზოობას აპროტესტებს. მათი თქმით, უკვე 10 წელია გზა აღარ შეუკეთებიათ და რთული რელიეფის გამო ავტომობილებს მოძრაობა უჭირთ. მოსახლეობის ინფორმაციით, უგზოობის გამო, ბოლო ორი წლის განმავლობაში 13-მა ბავშვმა დატოვა სკოლა და საცხოვრებლად სხვა რაიონში გადავიდა. მოსახლეობის თქმით, სოფელი უფუნქციოდ დარჩება.
ცაგერის მუნიციპალიტეტის მერის მოადგილის თქმით, მუნიციპალიტეტმა უკვე მიმართა მუნიციპალური განვითარების ფონდს და მათზეა დამოკიდებული რა გადაწყვეტილებას მიიღებს ინფრასტრუქტურის სამინისტრო.