თურქეთის ერთ-ერთმა კლინიკამ მოითხოვა დამატებითი ინფორმაცია თემირლან მაჩალიკაშვილის ჯანმრთელობის მდგომარეობის შესახებ, - ამის შესახებ წმინდა მიქაელ მთავარანგელოზის სახელობის მრავალპროფილიანი კლინიკური საავადმყოფოს მენეჯერმა, პროფესორმა ზაზა ლურსმანაშვილმა განაცხადა.
მისივე თქმით, აღნიშნული კლინიკა ოჯახის წევრების მიერ არის შერჩეული და ამ კლინიკის წარმომადგენელი იმყოფებოდა საავადმყოფოში, რომელმაც ბოლო 3 დღის ინფორმაცია მოითხოვა.
”ცოტა ხნის წინ შეხვედრა იყო თურქეთის კლინიკის მენეჯერთან, რომელმაც გაგვაცნო თავისი კლინიკის პოზიცია. ითხოვა დამატებითი ინფორმაცია პაციენტის ჯანმრთელობის მდგომარეობის შესახებ, ბოლო 3 დღის მონაცემები, რათა უფრო სერიოზულად შეისწავლონ საკითხი და უახლოეს 48 საათში რაღაც ინფორმაციას მოგვაწვდიან”, - განაცხადა ზაზა ლურსმანაშვილმა.