გადაუჭარბებლად შეიძლება ითქვას, რომ იაპონია უსაფრთხოების კუთხით ასეთი საფრთხის წინაშე მეორე მსოფლიო ომის შემდეგ არ მდგარა. მე ჩემი მოქალაქეების სიცოცხლესა და მათთვის მშვიდობიანი გარემოს შენარჩუნებისთვის ყველაფერს გავაკეთებ, - განაცხადა იაპონიის პრემიერ-მინისტრმა შინზო აბემ პრესკონფერენციაზე.

აბეს თქმით, ჩრდილოეთ კორეას მხრიდან პროვოკაციები მომდინარეობს.

ჩრდილოეთ კორეასთან ურთიერთობები ბოლო თვეებში კიდევ უფრო დაიძაბა, მას შემდეგ რაც იზოლაციაში მყოფმა სახელმწიფომ სატესტო ბირთვული რაკეტა მეექვსედ გაუშვა.

იაპონიამ სამხედრო ბიუჯეტი გასულ თვეს 1.3%-ით კიდევ გაზარდა. თანხამ 5.19 ტრილიონი იენი (34 მლრდ. ფუნტი) შეადგინა. უკვე მეექვსე წელია, რაც იაპონია სამხედრო ხარჯებს ზრდის.