ორთაჭალაში დაჭრილი მამაკაცი რეანიმაციულ განყოფილებაში რჩება

ორთაჭალაში დაჭრილი ახალგაზრდა მამაკაცის ჯანმრთელობის მდგომარეობა სტაბილურია. როგორც ”ინტერპრესნიუსს” საავადმყოფოში განუცხადეს, მამაკაცს ცეცხლნასროლი ჭრილობა აქვს მიყენებული. მას ოპერაცია ჩაუტარდა.

”გუშინ შემოიყვანეს პაციენტი ცეცხლნასროლი ჭრილობით, ჩაუტარდა ოპერაცია. ამჟამად მკურნალობას აგრძელებს რეანიმაციაში. არის სტაბილური და კონტროლს ექვემდებარება”, - აცხადებენ საავადმყოფოში.

შეგახსენებთ, რომ ორთაჭალაში სროლის შედეგად ახალგაზრდა მამაკაცი დაიჭრა. ადგილობრივი მოსახლეობის ინფორმაციით, ბერძნის ქუჩაზე გვიან ღამით დაახლოებით 7 გასროლის ხმა გაიგონეს, რის შემდეგაც ნახეს, რომ ერთი პირი საავადმყოფოში გადაიყვანეს.

ბოროტმოქმედის ვინაობა ჯერჯერობით დაუდგენელია.

როგორც „ინტერპრესნიუსს“ შსს-ში განუცხადეს, მომხდარზე გამოძიება სისხლის სამართლის კოდექსის 19-108 მუხლით მიმდინარეობს, რაც განზრახ მკვლელობის მცდელობას გულისხმობს.