თბილისში, თემქის დასახლებაში, პატრულის თანამშრომელი კახა ქრისტესაშვილი და მისი მეუღლე, სავარაუდოდ, ბუნებრივი აირის გაჟონვის შედეგად გარდაიცვალნენ.

როგორც „ინტერპრესნიუსს“ შინაგან საქმეთა სამინისტროში განუცხადეს, შემთხვევა გუშინ დილით მოხდა.

მომხდართან დაკავშირებით გამოძიება საქართველოს სისხლის სამართლის კოდექსის 240-ე მუხლით დაიწყო, რაც ელექტრო ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევას გულისხმობს.