დამასკოს მახლობლად, რუსეთის ავიაიერიშებს, სულ მცირე, 30 სამოქალაქო პირი ემსხვერპლა და 50-ზე მეტი დაშავდა. დაღუპულებს შორის არიან ქალები და ერთი ბავშვი, - ამის შესახებ სირიის უფლებადამცველ ობსერვატორიაზე დაყრდნობით „როიტერი“ იტყობინება.
გავრცელებული ინფორმაციით, რუსეთის საჰაერო ძალებმა სირიის დედაქალაქის მახლობლად, მისრაბაში საჰაერო თავდასხმა რამდენჯერმე განახორციელა. სააგენტოს ცნობით, ოთხმა ბომბმა ორი შენობა დაანგრია, რასაც 20 ადამიანი ემსხვერპლა, 40 კი დაიჭრა. აღმოსავლეთ გუთში, საჰაერო დარტყმებს 10 ადამიანი ემსხვერპლა.