აზერბაიჯანელი ჟურნალისტის, აფგან მუხთარლის სასამართლო პროცესი აზერბაიჯანში დღეს განახლდება. როგორც ”ინტერპრესნიუსს” მუხთარლის უფლებების დამცველმა, არჩილ ჩოფიკაშვილმა განუცხადა, წინა პროცესზე ბრალდების მხარის მიერ წარმოდგენილი სამი მოწმე დაკითხეს.

აზერბაიჯანელი ოპოზიციონერი ჟურნალისტი თბილისში 29 მაისს გაუჩინარდა. მოგვიანებით აღმოჩნდა, რომ ის აზერბაიჯანში იმყოფება. აფგან მუხთარლის ბრალად ედება აზერბაიჯანის სახელმწიფო საზღვრის უკანონოდ გადაკვეთა და კონტრაბანდა.