ამერიკა ირანში რევოლუციის მიღწევას არ ცდილობს, არამედ იმედოვნებს, რომ ამ ქვეყანაში ცვლილებები მოხდება. ამის შესახებ ამერიკის სახელმწიფო დეპარტამენტის ოფიციალურმა წარმომადგენელმა ჰეზერ ნაუერთმა განაცხადა.
„რევოლუცია - ეს არ არის ის, რის მიღწევასაც ვცდილობთ. ჩვენ გვსურს ცვლილებები, გვსურს, რომ ირანის ხელისუფლებამ თავის ხალხს მოუსმინოს. ეს ჯერჯერობით არ ხდება და მე წინასწარ მოვლენებს არ გავუსწრებ“, - განაცხადა სახელმწიფო დეპარტამენტის წარმომადგენელმა ტელეკომპანია Fox News-ის ეთერში საუბრისას კითხვაზე, სურს თუ არა ამერიკას ირანში ხელისუფლების შეცვლა.
როგორც ცნობილია, ირანის დიდ ქალაქებში 28 დეკემბრიდან მასობრივი საპროტესტო აქციები იმართება. არეულობებს 20 ადამიანი ემსხვერპლა, 450 ადამიანი კი დაკავებულია.