ნიკი ჰეილი - არ უნდა დავუშვათ, რომ ის საშინელება რაც სირიაში ხდება, ირანშიც განმეორდეს

გაერო-ში აშშ-ის მუდმივი წარმომადგენელი ნიკი ჰეილი ირანში მოვლენების სირიული სცენარით განვითარების საშიშროებაზე საუბრობს.

„მთელმა მსოფლიომ ნახა ის საშინელება, რაც სირიაში ხდება. ეს ყველაფერი იმით დაიწყო, რომ სისხლიანი რეჟიმი ხალხის მშვიდობიანი პროტესტის უფლებას არ აღიარებდა. ჩვენ არ უნდა დავუშვათ, რომ ეს ირანშიც განმეორდეს“, - ნათქვამია ჰეილის განცხადებაში.

მისი თქმით, ირანში მიმდინარე მოვლენები ირანელი ხალხის ფუნდამენტური უფლებების საკითხს ეხება.

შეგახსენებთ, რომ დღეს აშშ-ის ინიციატივით ირანის საკითხზე გაერო-ს უშიშროების საბჭოს სხდომა გაიმართება.