ჩრდილოეთ კორეის ლიდერი კიმ ჩენ ინი მაღალ დონეზე მოლაპარაკებების გამართვის თაობაზე სამხრეთ კორეის წინადადებას დათანხმდა. ამის შესახებ „ბი-ბი-სი“ იუწყება.

აღსანიშნავია, რომ შეხვედრაზე მთავარი განსახილველი თემა იქნება ჩრდილოკორეელი სპორტსმენების მონაწილეობა 2018 წლის ოლიმპიურ თამაშებში, რომელების სამხრეთკორეულ ფხენჩხანში თებერვალში გაიმართება.

„დადგა დრო, ჩრდილოეთმა და სამხრეთმა დამოუკიდებლად, სერიოზულად და ღიად იმსჯელონ ურთიერთობების გაუმჯობესებაზე“, - განაცხადა კიმ ჩენ ინმა.

მისივე თქმით, მხარეებმა არსებული პრობლემები უცხო ძალების დახმარების გარეშე უნდა მოაგვარონ.

„ჩვენ მზად ვართ მივიღოთ ამისთვის აუცილებელი ზომები, მათ შორის გავუშვათ ჩვენი დელეგაცია ოლიმპიურ თამაშებზე. ამისთვის ჩრდილოეთ და სამხრეთ კორეის ხელისუფლების საგანგებო შეხვედრაა საჭირო“, - აღნიშნა კიმ ჩენ ინმა.