კონგოს დემოკრატიული რესპუბლიკის დედაქალაქ კინშასაში წყალდიდობის შედეგად სულ მცირე 37 ადამიანი დაიღუპა. ამის შესახებ ადგილობრივი მედია სოციალურ საკითხთა მინისტრ დომინიკ ველოლიზე დაყრდნობით წერს.

გავრცელებული ინფორმაციით, წყალდიდობა ძლიერი წვიმებით არის გამოწვეული.

„13 ადამიანი დაიღუპა ნგალიემაში, 9 - სელემბაოში, 5 - ბანდალიუნვაში, 4 - ლიმეტეში, 1 - ბარუმბუში“, - განაცხადა მინისტრმა.

მისი თქმით, ეს მხოლოდ წინასწარი მონაცემებია და ქალაქის სხვა ნაწილებიდან ინფორმაციის მიღების შემდეგ დაღუპულთა რიცხვი შესაძლოა გაიზარდოს.